ఆడపిల్ల ...

ఆడపిల్ల ఆడపిల్ల
అని ఎందుకంత తల్లడిల్లుతున్నారు
నాది మాత్రం కాదా పేగు బంధం
ఈ జీవికి మీరు కాదా పోసింది ప్రాణం,,

కంటిపాపలా కాపాడ వలసిన
తల్లిదండ్రులకే ఎక్కువవగా
ఎవరో ఏదో అన్నారని ఏల ఈ వ్యధ,,

అన్నదమ్ములతో కలిసి మెలిసి
నడవ వలసిన నన్ను
అణిచి మణిచి ఉంచారు
ఆడ పిల్ల అని పెంచారు,,

చదువు-సంధ్య లెందుకన్నారు
ఇంటి పనులు నేర్వమన్నారు
అడుగడుగునా ఆటు-పోట్లు
బ్రతుకంతా వెనుకడుగులు ,,

ప్రేమ పంచితే నేను మాత్రం వెలుగు చూపనా
అంధకారాన వెలుగు రేఖై నిలువనా
కనుపాపల నిండిన కలలతో
వినువీధుల విహరింపజేయనా
ఆకాశాల ఎత్తుకి ఎదిగి చూపనా,,

బీడు వారిన పుడమి పై తొలకరి చినుకవ్వనా
మీ జీవితానహరివిల్లు రంగులు నింపనా,
సాటి వారికి నేను మాత్రం సాటి రానా
ప్రపంచాన్నిఎదిరించి ముందడుగు వెయ్యలేనా,,

ఆడ పిల్ల ఆడ పిల్ల
అని ఎందుకంత సోమ్మసిల్లు చున్నారు,
నేను మాత్రం మీ బిడ్డను కానా
జీవితాంతం మీ తోడై నిలువనా,,,,,,,,,,,,,,,,,,,,,,,,,,,,,,,